LIEMPO ala BISTEK

Mga Sangkap:
1 kilo Country Style Pork Belly or Liempo (cut into 2 inches long)
10 pcs. Calamansi
3/4 cup Soy Sauce
2 pcs. large size White Onion (cut into rings)
1 head minced Garlic
1/2 tsp. ground Black Pepper
1/2 tsp. Maggie Magic Sarap (optional) 
Salt to taste
Spring Onion or Leeks for garnish
3 tbsp. Cooking Oil

Paraan ng pagluluto:
1.  Timplahan ang hiniwang karne ng asin at paminta.   Hayaan ng ilang sandali.

 
2.  Sa isang non-stick na kawali, i-prito ang liempo hanggang sa mag-brown lang ng bahagya ang magkabilang side.

 
3.  Sa isang heavy bottom na kaserola, i-prito ang mga onion rings ng bahagya sa kaunting mantika at hanguin sa isang lalagyan.

 
4.  Sunod na igisa ang bawang hanggang sa mag-golden brown ang kulay nito.

 
5.  Ilagay na ang na-pritong liempo at isama na din ang toyo.   Lagyan ng 1 tasang tubig at takpan.   Hayaang maluto hanggang sa lumambot ang karne.

 
6.  Kung malambot na ang karne, ilagay ang katas ng calamansi at timplahan ng paminta at maggie magic sarap.  Hayaang kumulo pa ng mga 5 minuto.

 
7.   Tikman ang sauce at i-adjust ang lasa.

 

Hanguin sa isang lalagyan at ilagay ang nilutong onion rings  sa ibabaw.

 

PORK GINILING (Mula sa tira-tira na sangkap)

Mga Sangkap:
1/2 kilo Pork Giniling (lean)
1 cup Mix Frozen Vegetables (carrots, corn, peas)
3 pcs. Jumbo Cheesey Chicken Hotdogs (cut into small pieces)
1 cup Tomato Sauce (sweet style)
1/2 tsp. Dried Basil
1 tsp. Sugar
5 cloves Minced Garlic
1 large Onion finely chopped
2 tbsp. Olive oil or butter
Salt and pepper to taste

Paraan ng pagluluto:
1. Sa isang non-stick na kawali, igisa ang bawang at sibuyas sa olive oil o butter.

 
2. Sunod na ilagay ang pork giniling. Timplahan na din ng asin, paminta at dried basil. Halu-haluin hanggang sa mawala ang pagka-pink ng karne.

 
3. Ilagay na ang mix vegetables, hiniwang hotdogs o sausages at tomato sauce. Halu-haluin. Hayaan ng mga 5 minuto. Maaring lagyan ng konting tubig kung gusto ninyo na medyo ma-sauce.

 
4. Timplahan ng kaunting asukal o seasoning. Tikman at i-adjust ang lasa.

 

PAKSIW NA LECHONG KAWALI

Mga Sangkap:
1.5 kilos Pork Liempo (yung manipis lang ang taba)
1 bottle Mang Tomas Sarsa ng Lechon
3 pcs. Dried Laurel Leaves
1/2 cup Brown Sugar
1/2 cup Soy Sauce
1/2 cup Vinegar
1 head Minced Garlic
1 large Onion sliced
Salt and pepper

Paraan ng pagluluto:
1. Hiwaan ang balat na parte ng liempo. Mga 1/2 inch ang pagitan.
2. Paghaluin ang asi at paminta at saka ikiskis sa paligid at pagitan ng hiwa ng liempo. Hayaan ng mga ilang minuto.
3. Lutuin ang leimpo sa turbo broiler sa init na 250 to 300 degrees hanggang sa pumula at mag-pop ang balat ng liempo.
4. Hanguin muna at palamigin ang nilutong liempo.
5. Kung malamig na, hiwain ito ng pa-cubes sa nais na laki. Ilagay muna sa isang lalagyan.
6. Sa isang kaserola, igisa ang bawang at sibuyas.
7. Ilagay na ang hiniwang liempo at dahon ng laurel. Timplahan ng rin ng asin at paminta.
8. Maaari na ding ilagay ang suka, toyo, brown sugar at mang tomas sarsa ng lechon. Maaring lagyan ng tubig kung kinakailangan.
9. Hayaang kumulo hanggang sa lumambot na ang dating malutong na balat ng liempo.
10. Tikman ang sauce at i-adjust ang lasa.

Ihain habang mainit pa. Pero mas masarap ito kung kinabukasan na kakainin.